LAOAG CITY – Ngumatngato ti mairekrekord a kaso ti covid-19 idiay Maldives.
Daytoy ti report ni Bombo International Correspondent Judith Mallari, Sales and Marketing Manager iti maysa a Chemical Company iti Male City, Maldives.
Segun ken ni Mallari, iti agdama ket addan ti 214 a tattao a natamaan ti virus idiay Maldives a pakairamanan ti Bangladeshis, Indians, Maldivians ken dadduma pay a puli.
Inbatad na a gapu ta lockdown iti nasao a pagilyan ket marigatan da a mapan gumatang ti kasapulan da kangrunaan na ti taraon.
Kuna na nga adda ti ited a pass dagiti pulis ngem malimitaran ti oras a panagpaot iti grocery store.
Gapu iti daytoy, kaadoan kadagiti tattao iti lugar ket kaykayat da laengen ti agpadeliver kadagiti kasapulan da ngem masapol nga aganus nga aguray gapu iti kaado dagiti agorder.
Kabayatan, inbatad ni Mallari a dagiti aglabsing ti pagalagadan kabayatan ti lockdown idiay Maldives ket mapatawan ti multa.
Nupay kasta, kuna na a no damo ti aglabsing ket mawarningan pay laeng ti violator ken mailawlawag ti pagalagadan.
