LAOAG CITY – Dumanonen iti pakabuklan a 340,860 dagiti nairekord a kaso ti dengue ditoy Pilipinas basar iti kaudian a datos ti Department of Health (DOH) sipod idi Enero 1 agingga idi Nobiembre 16, 2024 no sadinno a nangatngato ngem 81 a porsiento maidasig idi 2023.
Adda ti 188,574 ti nairekord a kaso ti dengue iti kapada a panawen iti napalabas a tawen. Maibasar iti datos ti ahensia, nababbaba dagiti natay ita a tawen nga adda ti 0.26 percent maidasig iti 0.34 percent a nairekord idi 2023.
Inlawlawag ti ahensia ti panagbaba dagiti nairekord a pimmusay gapu iti dengue gapu kadagiti Pilipino nga ad-adda a pilienda ti agpakonsultaren iti nasapsapa iti ospital.
