LAOAG CITY – Kinumpirmaran ti Dr. Josephine Ruedas, mangidadaulo ti Provincial Health Office nga umabot ti 701 ti kaso ti dengue iti intero a probinsya.
Inrakurak na daytoy kabayatan ti regular session ti Sang. Panlalawigan.
Segun kenni Ruedas, ti nasao a bilang ket maysa ditoy ti pimmusay nga agtawen ti 10 a lalaki a taga Barangay Cataban ditoy ciudad ti Laoag.
Gapo iti daytoy, inyuswat ti nasao nga opisina ti pannakikoordenar kadagiti barangay ditoy probinsya iti kanayun a panagdaldalos ken panangisayangkat ti fogging.
Inbatad na a nagibunong dan ti agas a mangkontra iti lamok wenno larva iti ili ti Badoc, Banna, Bacarra, Pinili ken iti ciudad ti Batac.
Innayon na a ti ciudad ti Laoag ti kangatoan ti kaso nga umabot ti 96, sumaruno ti ili a Badoc nga addaan ti 63, ken maikatlo ti ciudad ti Batac nga addaan ti 34 a kaso.
