LAOAG CITY – Nairekord ti Quezon City Epidemiology and Surveillance Division ti 3,670 a kaso ti dengue iti siudad manipud Enero 1 agingga Agosto 6, 2026.
Mainaig iti daytoy, kangatoan a bilang ti kaso ti dengue ket nairekord ti city health department iti District 2 nga umabot iti 1,286 a kaso idinto a nakaro a naapektaranna ti sakit ket dagiti residente nga agtawen ti 10 agpababa.
Nupay kasta, nababbaba ti 46% ti nairekord a kaso no idasig iti 6,842 a kaso iti kapada a panawen idi 2025 ngem immabot iti 18 ti bilang dagiti pimmusay iti siudad gapu iti dengue.
Kabayatanna, agpanpanawagan ti city health department kadagiti residente ti siudad nga iserra dagiti drum wenno water tanks ken timba a mabalin a pagitlogan dagiti lamok, agsuot ti bado nga atiddog ken pantalon, agusar ti mosquitero no maturog ken anti-mosquito spray wenno mosquito repellant.
Inallukoy ti city health department dagiti residente nga agpakonsultar nga insigida iti asideg nga health center para iti libre a dengue test ken check-up no adda marikrikna a sintomas kas ti panaggurigor, panagsakit ti ulo ken buksit.
