LAOAG CITY – Nakairekord ti 8.2 a milyon a baro a kaso ti tuberculosis a na-diagnose iti intero a lubong iti napalabas a tawen basar iti World Health Organization.
Daytoy ti kangatoan a bilang sipod idi rinugian ti pannakaipatungpal ti global TB monitoring idi 1995.
Nupay kasta ti bilang ti TB-related deaths ket bimmaba manipud iti 1.32 milyon idi 2022 iti 1.25 milyon iti napan a tawen no sadinno ti pakabuklan a bilang dagiti indibidual a naaddaan ti makaakar a sakit ket ngimmato manipud iti 7.5 milyon agingga iti 8.2 milyon.
Ti panagngato dagiti kaso iti nagbaetan ti 2022 ken 2023 ket mangipakpakita iti panagadu ti populasion.
Iti napalabas a tawen, ti rate ti insidente ti TB ket 134 a baro a kaso iti tunggal 100 a ribu a katao, maysa a 0.2-porsiento a panagngato maidasig idi 2022.
Naammoan nga adda ti lima a pagilian ti addaan ti kaadduan ti kaso ti TB iti intero a lubong pakairamanan ti India, Indonesia, China, Pilipinas ken Pakistan.
