LAOAG CITY – Kinumpirmaran da Katrina Halili ken Kris Lawrence a nagsinublianan da kalpasan ti panagsina da idi 2014.
Inrakurak dagiti dua daytoy a banag idi naudo a vlog da, no sadinno a kuna da a nagdesisyon da a masapol nga ikkan da ti maikadwa a gundaway ti naputed a relasyon aglalo ket adda ti anak da a ni Katie.
Immunan nga inbatad ni Kris a saanna a sayangen ti maikadwa a gundaway para kadakuada ken ni Katrina.
Segun ken ni Katie, opisyal a nagsinublianan dagiti nagannak na idi Setyembre 13 iti oras ti alas-dose ti tengnga ti rabii.
Maipalagip nga awan pulos ti inpublikar a rason da Katrina ken Kris iti panagsina da idi 2014, dua a tawen kalpasan nga inpasngay ti aktres ni Katie.
