LAOAG CITY – Opisyalen nga agrayrayo ni Kris Lawrence iti dati a karelasyon na a ni Katrina Halili.
Nairakurak ti damag iti Fast Talk with Boy Abunda kalpasan a napili kas Best Actress ni Katrina para iti pelikula aMommy Dearest iti maika-10 a World Excellence Japan Awards, no sadinno a nagyamanan ti aktres ni Kris ken ti anak da a ni Katie.
Naragsakan met dagiti fans dagiti dua iti panagbalin manen a nasinged da Katrina ken Kris.
Maipalagip nga iti maysa vlog idi Pebrero ita a tawen ket naibaga ni Kris a silulukat iti posibilidad a maaddan da manen ti relasyon ken ni Katrina no agpada da pay a single kalpasan ti 10 a tawen.
Inpasngay ni Katrina ni Katie idi 2012 ngem kalpasan ti dua a tawen ket nagsina dagiti dua iti saan a masinunuo a rason.
Idi 2023, nagsarita ni Katrina maipanggep iti co-parenting setup ket nakunana a napinpintas no agbalin da laeng nga agpagayam ken ni Kris.
