LAOAG CITY – Naibaluden iti Federal Prison ni Kauai County Councilor Arthur Brun kalpasan a napilaan ti nagsusukot a kaso kriminal gapu iti pannakainaig na iti iligal a druga.
Iti report ni Bombo International Correspondent Manny Pascua, inpila ti Kauai Police Department ken Federal Bureau of Investigation dagiti kaso mainaig iti panangimaniher na ti Drug Tracking, panangiupaay ti suplay ti paltog, gun leader ken dadduma pay.
Awan ti nairekomendar a piyansa kadagiti naipila a kaso kontra iti konsehal.
Maipalagip a natiliw ti konsehal agraman dagiti 10 a tattao babaen ti naiwayat a search operation iti nasao a lugar.
Sakbay ti operasyon ket sinipsiputan dagiti otoridad ti aktibidad ti konsehal sipud idi Hunyo 2019.
Ni konsehal Brun ket vice chairman iti Public Safety ken Human Services.
Kabayatanna, manarimaan iti panangsukisok ni Pascua dagiti kabagyan da Efren Yanos kenni Orlando Mangochey, gapu ta nairaman da a natiliw iti operasyon dagiti otoridad.
Kuna na nga agserserbi a ramay ni Brun dagiti dua nga addaan ti dara a Pilipino.
Ni Mangochey ket ilokana ni ina na a tubo ditoy probinsya.
