LAOAG CITY – Naipatakder iti Laoag Central Elementary School ti kaunaan a Bamboo Waiting Shed iti intero a pagilian.
Daytoy ket babaen ti Department of Science and Technology-Forest Products Research and Development Institute (DOST-FPRDI) .
Indauloan ni Secretary Renato Solidum Jr. ti pannakaiturn over ti Bamboo Waiting Shed kenni Mayor James Bryan Alcid ditoy ciudad ti Laoag.
Ti bamboo waiting shed ti mangipakita iti panagdur-as ti teknolohia ken pannakausar dagiti banag nga adda iti aglawlaw para iti panagdur-as.
Nainstularan pay ti bamboo waiting shed ti solar-powered lights ken addaan ti charging station a dakkel a pagnam-ayan dagiti umili.
Kabayatanna , maibilang pay ti bamboo waiting shed a climate resilient gapu ta mangipakita ti kababalin dagiti umili a nasken nga ipreserba para ti sumarsaruno pay nga henerasion.
