LAOAG CITY – Pinatay dagiti kidnappers ti 35 a tattao a kinidnap da iti maysa a village iti northern Zamfara state idiay Nigeria iti baet a nagbayad ti ransom ti pamilya dagiti biktima kasukat koma ti pannakawaya-waya da.
Maipalagip a kadagiti naglabas a tawen ket nagraira dagiti criminal gangs iti rehiyon tapno agkidnap kadagiti tattao nga isu ti pamastrekan da babaen ti panagdawat da ti ransom money.
Iti naudi nga insidente, adda ti 56 a tattao a nakidnap iti Banga village no sadinno a dimmawat dagiti suspek ti one million naira wenno $655 iti kada biktima.
Kinumpirmaran ni Local government chairman Manniru Haidara Kaura a kaadoan dagiti napapatay ket agtutubo.
Inpakaammo na nga adda met ti 16 nga indibidual a winaya-wayaan dagiti kidnappers a dagitoy ket agpapada nga agpapaimbag paylaeng iti ospital
