LAOAG CITY – Immapela ti Philippine National Police (PNP) ditoy Ilocos Norte kadagiti Ilokano a saan a mamati iti agwar-waras iti social media nga adda ti agsibrong ditoy probinsya.
Daytoy ket gapo ta ibilang ti PNP a maysa daytoy a fake news.
Basar ti rumrumwar a damag ket adda ti van nga agsibrong ken target na dagiti estudyante.
Segun ti statement ti PNP, “generally peaceful” ti sibubukel a probinsya ken awan dagiti naireport nga adda ti panagkidnap kadagiti estudyante.
Inpanamnama met ti pulisya nga aramiden na ti amin a kabaelan da tapno malapdan no adda man ti pasamak babaen ti Anti Kidnap Group ken CRG-SWAT iti PNP a dagus nga agresponde.
Mainaig iti daytoy, inbatad ti pulisya a no adda ti insidente a panagsibrong ket ireport laeng iti kaasitgan a kuerpo ti pulisya wenno tumwag iti emergency hotline a 911.
