LAOAG CITY – Dakkel a pammadayaw para ken ni Kim Chiu a makaatendar iti Seoul International Drama Awards 2024.
Nagun-od ti aktres ti Outstanding Asian Star from the Philippines award iti nasao nga event.
Inlawlawag ti aktres a dandanin a saan a nakakamat iti nasao nga event gapu ta naitantan ti biahena iti panagtayab ti nagluganan idi ni Kim ken dagiti kakaduana.
Saan a pulos a malipatan ni Kim ti nagbalin a kapadasanna idiay Korea.
Naammoan nga iti las-od ti agarup dua a dekada nga adda isuna iti show business ket ita laeng a nakaawat ti aktres ti maysa nga international award para iti naisangsangayan a panagakemna iti drama a Linlang.
