LAOAG CITY – Inrakurak ni Senate President Pro Tempore Panfilo Lacson nga addan ti pito a senador ti nagpirma iti partial committee report ti Senate Blue Ribbon Committee mainaig iti maipagarop a maanomalya a flood control projects.
Segun ken ni Lacson, chairman ti komite, ti kaudian a nagpirma ket ni Sen. Raffy Tulfo.
Karaman pay kadagiti nagpirma iti report ket isuda sendor Erwin Tulfo (vice chair ti komite), Risa Hontiveros, Paolo “Bam” Aquino IV, Francis “Kiko” Pangilinan, Raffy Tulfo, Senate President Vicente “Tito” Sotto III, ken mismo a ni Lacson.
Nupay kasta, kuna ni Lacson a kurang pay daytoy gapu ta ti kasapulan ket siyam a pirma tapno maisaang iti plenaryo ti pannakatratar ken addang iti committee report, kas maiyataday it rules ti Senado.
