LAOAG CITY – Inbatad ni Bombo International News Correspondent Greg Pasalodos idiay London, United Kingdom a napukawan ti maysa nga ina gapo ipupusay ni Queen Elizabeth II iti tawen na a 96.
Segun kenni Pasalodos, agpapan ita ket naulimek pay laeng ti Buckingham Palace iti eksakto a sakit ti reyna ken no anya ti plano ti Royal Family iti funeral ni Queen Elizabeth.
Mainaig iti daytoy, kunana a narway dagiti naaramiden ni Queen Elizabeth bayat ti panagtugaw na kas reyna ken maysa kadagiti maibilang a saan a malipatan ket ti kinapigsa ita ti currency da a “pounds”.
Karaman pay ditoy ti panangisigurado ti reyna ti ummuna a pannakaipaay ti napintas a serbisyo kadagiti tattao wenno iti adda iti lawlaw na.
Inlawlawag na pay a babaen iti reyna ket napagkaykaysa na dagiti tattao pakairamanan ti panangprotehir na ti masakupan na.
