LAOAG CITY – Naan-anayen a nakoronaan kas baro nga ari ken reyna iti United Kingdom da King Charles III ken ni Queen Camilla iti Westminster Abbey, United Kingdom.
Immuna a naiyuswat ti procession manipod iti Buckingham Palace agingga iti Westminster Abbey nu sadino a naglugan dagiti agassawa nga ari ken reyna iti carriage.
Ti nasao a carriage ket ti Diamond Jubilee State Coach naaramid pay laeng para iti sigud a reyna a ni Queen Elizabeth 11 idi 2012 ken daytoy ket addaan ti gilded crown iti tuktok na nu sadino a naaramid babaen iti oak a naggapo iti HMS Victory.
Kabayatanna, ti nagluganan dagiti ari ken reyna ket addaan pay ti modern touch iti coach boasts hydraulic shock absorbers ken air conditioning idinto a ginuyod ti innem a Windsor Grey horses nga isuda Icon, Shadow, Milford Haven, Echo, Knightsbridge ken Tyrone.
Malaksid kadagiti ari ken reyna a kangrunaan a presente iti prosisyon a nagturong iti Westminster Abbey ket umabot iti 200 a miembro ti armed forces ti nakipagpaset ken adda da iti Sovereign’s Escort ti The Household Cavalry Mounted Regiment.
Mainaig iti daytoy, agarup 1,000 pay a route liners ti nakgbantay iti kalsada a nagdalanan ti prosisyon idinto nga adda pay ti naituding a lugar para kadagiti Medics, military veterans, charity works ken dadduma pay iti Trafalgar Square, iti Mall ken iti mismo sango ti Buckingham Palace.
Apaman a nakadanon iti Westminster Abbey ti Carriage dagiti baro nga ari ken reyna ket nagbatingting amin a kampana ken awan ti tattao iti aglawlaw daytoy malaksid kadagiti royal guards.
Iti panaserrek ti ari ken reyna iti iti Westminster Abbey ket dagiti appoko da ti nangbayabay kadakuada wenno nagserbi dagitoy kas page of honour.
Ni prince George nga anak ti Prince and Princess of Wales ti kangrunaan a nangkadua ken ni King Charles III idinto a dagiti met sumagmamano nga appoko ni Queen Emilla ti nangbayabay kenkuana.
Sakbay a naiyuswat ti pormal a pannakakorona dagiti baro nga ari ken reyna iti Coronation Theatre iti uneg ti Westminster Abbey, naipresentar dagitoy iti congregation.
Kabayatanna, iti koronasyon ni King Charles III ken ni Queen Camilla, umabot ti 2,200 a pakairamanan ti royal family, foreign royals ken head of states ti nangimatang ti pannakakorona da iti uneg ti Westminster Abbey.
Indauloan ni Archbishop of Canterbury Justin Welby ti koronasyon nu sadino a nasurot ti baro a litury a naadaw manipod iti ancient traidisyon.
Bayat ti seromonya iti koronasyon ti ari ken reyna, umuna a naiplokamar ni King Charles III kas “undoubted king” iti sangoanan ti congregation.
Simmaruno iti oath wenno panagkari ti ari iti panangsurot na ti linteg ken ti simbaan iti England bayat nga isuna ti ari.
Kalpasan dayta ket nagtugaw iti St. Edward’s Chair wenno ti coronation chair bayat ti pannakaipahid ti oil iti ulo, barukong ken ima na kageddan ti panangawat na ti regalia, Sovereign’s Orb ken scepters sakbay a pormal a naisuot kenkuana ti St. Edward’s Crown.
Kabayatanna, simmaruno a nakoronaan ni Queen Emilla nu sadino a nagbalin laeng a simple ti proseso ken awan ti naiyuswat a panagsapata wenno panagkari na malaksid iti panangkararag ken blessing ti archbishop.
Naikorona iti reyna ti Queen Mary’s crown.
Bayat ti pannakaiyuswat ti panagkorona iti ari ken reyna ket naiyuswat ti gun salutes kadagiti 13 a lokasyon iti United Kingdom kas iti Edinburgh, Cardiff, Belfast ken kadagiti naval vessels.
Ti traditional salvo ket pakairamanan ti 21 rounds a naipaputok nga addaan laeng ti sag-10 a segundo ti nagbaetan iti tunggal putok nu sadino a kangrunaan pay a nakaistasyonan dagitoy ket iti Troop Royal Horse Artillery ti ari, iti Horse Guards Parade ken iti asideg ti River Thames iti Tower of London.
Dagus met laeng a naikkat iti ulo ti korona dagiti ari ken reyna para iti pannakaiyuswat ti pinal a parte ti service nu sadino a naaramid ti Holy Communion – ti kangrunaan a parte ti worship iti Christian church.
Kalpasan ti pannakakorona ni King Charles ken ni Queen Camilla iti Coronation Theatre ket simrek sa iti St. Edward’s Chapel iti likod ti hight altar ken kalpasan na ket nagderetso da iti coronation procession a nagsubli iti Buckingham Palace ken naglugan dagitoy iti Gold State Coach a naaramid pay idi 1762 ken isun ti maus-usar tunggal koronasyon manipod met idi 1831.
Presente iti koronasyon ti baro nga ari ken reyna ti Duke and Duchess of Edinburgh kadua da dagiti annak da a ni Princess Royal ken ni Timothy Laurence.
Ti Duke of York ken anak na a ni Princess Eugenie, ni Prince Harry pakairamanan ni Princesses Beatrice.
Adda pay ti dati nga asawa ni Queen Camilla a ni Andrew Parker Bowles pakairamanan dagiti annak da nga isuda Tom Parker Bowles ken ni daughter Laura Lopes.
