LAOAG CITY – Nangiparuk-at ti Executive Order (EO) ni Governor Matthew Marcos-Manotoc mainaig ti pannakasuspenso ti klase ti amin a lebel iti pampubliko ken pribado a pagadalan ti intero a probinsya.
Daytoy ket paset ti ar-aramiden nga addang ti gobierno tapno malapdan ti panagwaras ti coronavirus.
Naipalaon pay iti EO ti panag-disinfect dagiti school officials ken administrator kadagiti classrooms ken awan ti palubusan da a sumrek nga estudyante kabayatan ti pannakasuspenso ti klase.
Nupay kasta, iti inparuk-at a pammilin ni Gobernador Marcos ket awan ti petsa nga inbaga na a panagsubli ti klase dagiti agad-adal.
Kabayatanna, nagpanawagan ni Ilocos Norte DepEd Supt. Doctor Joanne Corpuz kadagiti nagannak a saan da a parwaren iti pagtaengan dagiti annak da tapno maprotehiran dagitoy manipod iti Covid-19.
Innayon na a nga aniaman ti performance ken achievements dagiti estudyante iti kallabes ket isu lattan ti compute’n dagiti mangisursuro para iti grado dagiti adalan da iti 4th grading.
