LAOAG CITY – Nasuspenso ti klase iti San Nicolas Elementary School iti ili ti San Nicolas idi kalman gapu ti bomb threat.
Naamoan a nagpaot ti dua nga oras ti inyuswat a clearing operations dagiti otoridad ti nasao a pagadalan sakbay a naan-anay a nakumpirmaran a negatibo ti naitext iti PNP a bomb threat.
Immuna ti daytoy, nakaawat ti text message ni Police Chief Inspector Ryan Retotar, hepe ti PNP-San Nicolas a mangibagbaga a bumtaken ti San Nicolas Elementary School.
Gapu ti daytoy, nagturong a dagus iti nasao a pagadalan dagiti kameng ti PNP, Bureau of Fire Protection (BFP), Explosive Ordinance Division, MDRRM ken dadduma pay a maseknan nga ahensya.
Iti agdama, agtultuloy ti imbestigasyon dagiti otoridad seknan ti nasao a bomb threat.
