LAOAG CITY – Inparaman ti Washington Wizards ti umuna a pannakaabak ti New York Knicks ita a preseason.
Iti panaglaban dagiti dua a team, naaramid ti Wizards a maipangabak ti laban iti babaen ti 1-pt. win iti crunch time iti iskor a 118-117.
Nangipakita ti kinalaing ni NBA champion a ni Jordan Poole ken nagserrek ti 16 points iti uneg ti 18 mins. idinto a 12 points met ti naaramid ti forward a ni Kyle Kuzma.
Naminsan manen a nangipakita ti napintas a chemistry da Jalen Brunson ken Karl-Anthony Towns: 27 points ken 5 assists ti inaramid ni Brunson idinto a 22 points ken 12 rebounds ti naaramid ni Towns.
Nupay kasta, saan latta nga umdas tapno maibulsa ti balligi gapu iti episyente a shooting ti Wizards – 52.3% overall.
Naaramid met ti Wizards ti nasao a balligi iti likud ti pakabuklan a 31 free throws a naiserrek ti Knicks.
Nakagun-od met ti New York ti pakabuklan a 38 free throws ken 31 ditoy ti naiserrekda idinto a 11 free throws laeng ti naaramid ti Wizards.
Ti Wizards ket maysa kadagiti maab-abak a team iti NBA kadagiti naglabas a season ngem daytoyen ti maikadua a gundaway a nagballigida ita a preseason.
Iggem met ti Knicks ti uppat a panangabak.
