LAOAG CITY – Saan a napakaamoan ni Sang. Panlungsod Member Jason Perera a saan a natuloy ita nga aldaw ti budget deliberation iti ciudad ti Laoag.
Daytoy ket iti laksid nga iti napalabas a sesyon ket naipalagip kadakuada ti budget deliberation ita kuma nga aldaw.
Segun kenni Perera, nasdaaw no apa nga isuna laeng ti adda iti session hall.
Inbatad napay nga awan met ti mensahe a naipatulod seknan iti saan a pannakaituloy ti deliberation kalpasan sinaludsod na daytoy iti Sang. Secretariat no anya ti rason.
Kunana a ti kuma matratar ita nga aldaw ket ti budget ti Laoag City General Hospital (LCGH).
Mainaig iti daytoy, kuna ni Perera nga intono bigat ket maamoan no anya ti rason a saan manen a nagatendar ti sumagmamano kadagiti kakadua na a konsehal.
Kabayatanna, naamoan ti Bombo Radyo Laoag kenni Vice Mayor Vicentito Lazo a napan da nagatendar iti proclamation rally ni Presidential aspirant Bongbong Marcos ken ti katandem na a ni Davao City mayor Sara Duterte.
