LAOAG CITY – Kiniddaw ni Sang Panlungsod member Jason Perera ti dagus a pannakaipaay ti solusyon dagiti mapaspasamak a disgrasya iti Panganiban St. ditoy ciudad ti Laoag.
Inaramid daytoy ni Perera kabayatan ti regular session iti konseho ditoy ciudad.
Inkalintegan ti konsehal a saan nga umdas a maikkan laeng ti signage dagiti kalsada tapno maliklikan ti aniaman nga insidente.
Inbalakad na a ti kasayaatan a maaramid ket mainstolaran ti speed humps dagiti kalsada iti lugar tapno maliklikan ti disgrasya, ken masapol a maiyimplementar daytoy a dagus.
Kabayatanna, saan a pabor ni Engr. Neil Jose, ti dati a presidente ti Pugad Lawin iti nailungalong a pannakaistolar ti humps iti kalsada gapu ado dagiti maapektaran, partikular dagiti fire truck a no adda ti respondean da ket deretso ti panagpataray da.
Kuna na nga imbes nga humps ket mapinturaan laengen ti kalsada agsipud tau ray adayo pay ti lugan ket sigurado met a makita na daytoy.
