LAOAG CITY – Kiniddaw ni konsehal Jayson Perera ditoy ciudad ti Laoag a mangiyalokar ti konseho ti pondo a mausar iti panmakaipalawa ti kalsada it Ablan Ave. para iti tawen 2027.
Inaramid daytoy ni Perera kabayatan ti regular session ti konseho ditoy ciudad ti Laoag, kalpasan nga adda ti pimmusay iti kallabes a binigbig na iti nagan a “Manong Punyol” gapu iti pannakadungpar na iti baet nga adda iti igid ti kalsada.
Inlawlawag ti konsehal a no adda ti aggidan nga agsinnabat iti nasao a kalsada ket awanen ti mabati nga espasyo a pagnaan dagiti tattao isut gapuna a masapol a maipalawa.
Innayon na a nakisarita pay iti Assessor’s Office a mangiwayat ti assessment tapno maamoan no mano ti maiyalokar a pondo.
Inrakurak ni Perera a saan a kasapulan ti maysa pay a lane no di ket uray manayunan laeng ti maysa a metro iti kada lane.
