LAOAG CITY – Inaprubaran ti Sang Panlungsod ditoy siudad ti Laoag iti committee report a mangipaay ti amnestiya kadagiti residente ditoy ciudad a nagilako wenno nangiyakar ti tricycle franchise na.
Daytoy ket kalpasan nga indasar ti chairman ti Committee on Public Works, Transportation and Communication ti nasao a committee report kabayatan ti regular session ti konseho ditoy ciudad.
Basar iti chairman ti nasao a komite, inpasa da ti city ordinance 2024-08 a mangipapaay ti amnestiya wenno pammakawan kadagiti naipaayan ti tricycle franchise nga illegal a nagilako ken nangitransfer iti sabali nga indibidwal.
Kunana nga adda ti 66 nga aplikante a nakakompleto amin kadagiti dokumento a kasapulan tapno agbalin a kwalipikado iti nasao nga ordinansa.
Inpetteng na a daytoy ti maikadwa a bansada dagiti maipaayan ti amnestiya ditoy ciudad.
Maipalagip nga immunan a naipaayan ti amnesty ti 100 a tricycle franchisee ditoy ciudad t Laoag.
