LAOAG CITY – Kalikagom ti konseho ditoy ciudad ti Laoag a temporaryo a maisardeng ti konstruksyon ti bike lane iti bypass road.
Inlawlawag ni Konsehal Bryan Alcid nga inlungalong na ti nasao nga addang gapu ta makita na nga adda ti saan a nasayaat nga epekto na kadagiti establisimiento ken kadagiti motorista.
Inbatad na nga umilet ti dalan gapu ta maakoparan ti tallo a metro a pakabuklan ti kalsada ken naikkan pay ti barikada.
Kabayatanna, anamungan ni Konsehal Jason Perera ti nagbalin a takder ni Konsehal alcid kagiddan ti panangirakurak na nga ado met dagiti maaw-awat na a reklamo seknan iti daytoy.
Innayon na a narisgo pay kadagiti motorista dagiti plant box a naikabil iti by pass road.
Kunana pay a saanna nga ekspektaren a kastoy ti langa ti bike lane gapu ta inpagarop nga addaan laeng dagiti rabble strip.
Mainaig iti daytoy, nangipasa ti konseho ti resolusyon tapnu kiddawen iti Department of Transportation ti pannakaisardeng paylaeng ti konstruksyon ti bike lane iti bypass road ditoy ciudad ti Laoag.
