LAOAG CITY – Inbilin ti Korte Suprema kadagiti ‘respondents’ iti inpila a petisyon ni Atty. Romulo Macalintal mainaig iti postponement ti Barangay ken Sangguniang Kabataan Elections 2025.
Iti inpatulod a mensahe ni Supreme Court Spokesperson Atty. Camille Sue Mae Ting, inrakurak na nga inbilin ti Korte Suprema iti Senado, kamara de representantes, karaman ni Executive Secretary Lucas P. Bersamin, ken ti Commission on Elections nga agpalawag mainaig iti petisyon.
Maipalagip a nagpila ti petisyon ni Atty. Romulo Macalintal tapno kwestyunaren ti panangpirma ni Presidente Ferdinand ‘Bongbong’ Marcos Jr. ti linteg tapno saan a matuloy ita a tawen ti Barangay ken Sangguniang Kabataan Elections 2025.
Naipaayan dagiti respondents ti 10 nga aldaw tapno maisumitir da ti palawag da iti Korte Suprema.
Kiniddaw ni Macalintal iti petisyon na a mangisyu ti Korte Suprema ti Temporary Restraining Order tapno lapdan ti pannakaitantan ti eleksyon.
