LAOAG CITY – Pinatibker ti Korte Suprema ti life imprisonment ken P5-M a multa kontra ken ni Elizabeth Espiritu Mendoza gapu iti large-scale illegal recruitment.
Iti desision nga insurat ni Associate Justice Raul B. Villanueva, napaneknekan a nangallukoy isuna kadagiti aplikante para iti trabaho idiay Japan, nagkari ti nangato a sueldo ken benepisio ken nagsingir ti P15K–P45K uray awan ti lisensiana manipud iti Philippine Overseas Employment Administration.
Adda ti sumurok 12 a biktima ti nagtestigo a saan a natuloy ti inkari a trabaho uray nakabayaden ken nakaisubmitiren dagiti requirements.
Inpetteng ti Korte nga umdas ti agkakatugma a testimonia tapno paneknekan ti panangallilaw.
Saan a namati ti depensa ni Mendoza nga isuna ket aplikante laeng gapu ta rimmuar nga aktibo daytoy a nangallukoy, nagkolektar ti bayad ken nagpabigbig a kabaelanna ti mangipatulod kadagiti mangmangged iti ballasiw taaw.
