LAOAG CITY – Krinitikar ni dati nga US President Joe Biden ti welfare policies ti Trump Administration.

Inaramid daytoy ni Biden iti kaunaan a panagbitla na sipud pimmanaw iti White House, a daytoy ket babaen iti conference a naangay idiay Chicago.

Inpetteng na a ti gobierno ket nangiyuswat ti maysa nga “hatchet” iti social security system, no sadinno nga idadaulwan da US President Donald Trump ken Elon Musk ti pannakaipababa ti magastos iti White House, banag nga ibilang ni Biden kas panagswitik.

Inpaganetget na a ti administrasyon ket kayat na ti agkissay ti staff iti ahensya a responsable para iti panaggastos ti $1.6 trillion kadagiti benepisyo iti maysa a tawen.