LAOAG CITY – Nakaawat ti panangkablaaw ni Queen of All Media a ni Kris Aquino gapu iti kinatibkerna.
Daytoy ket kalpasan ti nasurok dua a tawen a panagtalinaed idiay Amerika tapno agpaagas iti sakitna.
Inburay ti aktres a nagawid ditoy pagilian gapu ta kasapulanna a dumalan iti maikadua nga immunosuppressant infusions.
Kagiddan iti daytoy, nagyaman ni Kris kadagiti amin a tattao nga agtultuloy a mangipakpakita ti suporta iti agdama a mapaspasaranna.
Inadmitir ni Kris a kasapulanna ti naiget a suporta manipud kadagiti kabsatna, asideg a kabagianna ken nasinged a pagayamna iti pananglaban iti sakitna.
Nagyaman pay daytoy kadagiti tattao a nagbalin a paset ti panagpaagasna kabayatan ti kaaddana iti ballasiw taaw.
