LAOAG CITY – Inrakurak ti aktres a ni Kris Bernal a kalikagom na ti maaddaan ti maysa pay nga anak.
Kuna na a daytoy ti maysa kadagiti birthday wish na iti maika-37 a kasangay na a sinelebraran na iti napalabas a lawas.
Iti episode ti “Fast Talk With Boy Abunda”, inlawlawag ni Kris a kayatna a maaddaan ti kaay-ayam ti anak na a ni Hailee.
Innayon na a no makitkita na nga awan ti kaay-ayam ti anak na ket mapanpanunot na a naragragsak daytoy no ado ti ka-bonding na.
Maipalagip a nagkasar da Kris ken ti negosyante a ni Perry Choi idi Setyembre 25, 2021, no sadinno nga inpasngay met ti aktres ti anak da a ni Hailee idi Agosto 15, 2023.
