LAOAG CITY – Saan laeng a rumbeng a kamaten dagiti kurakot nga opisyal no di ket masapol nga agpatinggan ti mismo a kultura ti korapsyon iti pagilian.
Daytoy ti inpetteng ni Senate Minority Leader Alan Peter Cayetano iti Kontra-SONA na, no sadinno nga inbatad na a saan pay a malpas ti problema iti korapsyon no saan a mabalbaliwan ti nakairuwaman a sistema.
Segun ken ni Cayetano, mangrugi ti korapsyon iti babassit a saan nga umno nga aramid nga iti saan nga agbayag ket agbalbalin a norman iti pagilian.
Inpetteng na a saan nga umdas a maarestar laeng dagiti karaman iti nagduduma nga scam no saan a mabalbaliwan ti ramot ti problema.
Sinublianan pay ni Cayetano ti isyu ti maipagarop nga iregularidad kadagiti flood control project nga immuna metten a trinatar iti State of the Nation Address ni President Ferdinand Marcos Jr.
Inpaganetget ti senador a napateg nga isubli ti panagtalek ti publiko iti gobierno iti babaen ti pudno a reporma ken mapagsungbat dagiti nagbasol.
