LAOAG CITY – Kinumpirmaran ni Mr. Monching Formantes, public information officer nga adda dagiti nabalbaliwan nga aktibidad a paset ti Pamulinawen Festival ken dagiti pakaangayan na a lugar.
Daytoy ket karaman payen iti saan a pannakaipagpaset ti lokal a gobyerno ditoy siudad ti Laoag iti Tan-ok Festival a maangay iti bulan ti Pebrero.
Segun ken ni Formantes, basar iti nagnunumuan dagiti department heads kas kasukat ti saan da a pannakisalip iti Tan-ok ket maiyuswat lattan ti dance parade dagiti amin nga elementary students ditoy siudad ti Laoag iti Pebrero 10 a kaaldawan ti Pamulinawen Festival.
Nabukkel metten dagiti nagduduma nga komite para iti piyesta.
