LAOAG CITY – Maysa nga agtawen iti 50 a lalaki idiay India ti nakagun-od ti world record kalpasan a nagpaut a nakatakder iti maysa a sakana kabayatan a naka-blindfold dagiti matana.
Kinumpirmaran ti records keeping organization a Guinness World Records a ni Ram Phal ti Utar Pradesh, India ti baro a record holder ti titulo a “Longest Duration Standing on One Leg Blindfolded.”
Daytoy ket kalpasan a nakatakder isuna iti las-ud ti dua nga oras ken 21 a minuto babaen laeng ti maysa a sakana ken naka-blindfold dagiti matana.
Naammoan a daytoy ti maikapat a daras a naipaima ken ni Ram ti titulo.
Immuna a nagun-odna daytoy idi 2021 ken namindua a daras idi 2023.
Kuna ni Ram, ar-aramidenna daytoy kas pananglagip iti pimmusay nga amana a paboritona a subaybayan ken agbasa ti Guinness Book of World Records.
