LAOAG CITY – Nangabak ti Entry Sender a ni Mrs. Vanessa Ballesteros manipud iti Barangay 1, San Lorenzo ditoy siudad ti Laoag kas maysa kadagiti regional winners ti 50 ribu a pisos para iti Buena Mano Salvo Grand Draw ita nga aldaw.
Kunana saanna a mailadawan ti napalaos a kinaragsakna nangruna ket saanna a ninamnama a mabunot ti naganna iti kinaadu dagiti nagilubbot kadagiti entries-na.
Inbatadna a mamati a ti kulibangbang a nagdisso iti radyo nga inatiw iti weekly draw ti Buena Mano Salvo ket isu ti nagbalin a senyales a mangabak isuna ita a grand draw.
Inlawlawagna nga umabot iti sumurok 100 nga entries a naglaon ti nagduduma a proof of purchase ti inlubbotna manipud idi Week 1 agingga iti Week 7.
Innayonna nga usarenna ti inabakna a premio para iti paggatang ti daga gapu ta saanda a bukud ti lote a pagnanaedanda iti agdama.
Naammoan a ti proof of purchase nga inusar ni Ballesteros ket Orocan.
Kabayatanna, ti nangiyawid ti grand prize a 1 million pesos ket ni Ms. Sheryl Tiologo nga agtawen ti 39 ken residente iti Barangay Bonbon, Butuan City a nagusar ti proof of purchase a Mr. Chips.
