LAOAG CITY – Naarestaren ti lalaki a nangiserrek ti motorsiklona iti uneg ti simbaan idiay Taal, Batangas.
Ti suspek ket inreklamo ti mangidadaulo ti Taal Basilica kalpasan ti inaramidna a panangbastos iti simbaan.
Naammoan nga apaman a naiserrekna ti motorsiklona iti simbaan ket nagtugaw pay iti altar ti suspek ken nagringgor.
Malaksid iti daytoy, manarimaan ti imbestigasion dagiti otoridad ti kaduana daytoy a babai a kinalubbonna no sadinno a timmalaw nga insigida idi nakastreken ti motorsiklo iti uneg ti simbaan.
Iti agdama, am-amoen dagiti otoridad ti posible a motibo ti suspek iti inaramidna.
