LAOG CITY – Nagballigi dagiti kameng ti Philippine National Police (PNP) a nangtiliw ti maysa a wanted person iti Brgy. 13, Naglicuan iti ili ti Pasuquin.
Ti akusado ket agtawen ti 56, naasawaan, self-employed ken residente met laeng iti nadakamat a barangay.
Natiliw ti akusado babaen ti bileh ti warrant of arrest nga inparuk-at ni Hon. Richard B Balucio, Presiding Judge, Municipal Circuit Trial Court, First Judicial Region, 2nd MCTC Pasuquin-Burgos, Ilocos Norte gapu iti kaso na a malicious mischief.
Nairekomendar ti 6 a ribo a pisos a piyansa ti akusado para iti temporaryo a pannakawaya-waya na.
