LAOAG CITY – Nakagun-od ti world record ti maysa a lalaki idiay India a saan nga agus-usar ti ima kabayatan ti panagbisikletana.
Daytoy ket kalpasan a saanna nga ig-iggaman ti handlebar ti bisikletana.
Kinumpirmaran ti records keeping organization a Guinness World Records a ni Vaibhav T. Rajamani ti baro a record holder ti titulo a “Greatest Distance Cycled (no hands).”
Daytoy ket kalpasan a nakabisikleta iti kaadayona a 151.33 kilometers a saanna nga ig-iggaman ti manibela wenno handlebar ti bike.
Naisayangkat ti record attempt ni Rajamani idi Disiembre 2023 idiay Goa, India ken dimmanon iti pito nga oras sakbay a nakumpleto ti world record-na.
Segun kenkuana, agtawen iti lima idi immuna a naaddaan ti bisikleta ken sipod idi nasursurona daytoyen ket saannan a kayat pay nga iggaman ti handlebar daytoy kabayatan ti panagbisikletana.
