LAOAG CITY – Agtultuloy a maag-agasan ti maysa a lalaki kalpasan a natamaan ti bala ti paltog a kukua ti maysa a senior citizen iti Brgy. Burayoc, Pagudpud, Ilocos Norte.
Segun kenni SPO3 Wenceslao Villaflor ti PNP Pagudpud, immuna a nagpaputok iti ere ti suspek a ni Eden Lorenzo, maysa a senior citizen, manager ti restaurant nasao a barangay ken residente ti Brgy. Banban, Bangui usar ti paltog na bayat nga agiinom da kuada na ti biktima a ni Rogelio Aguite, agtawen ti 47, ken residente ti Brgy Burayoc.
Kuna na nga idi indisso ni Lorenzo ti paltog na iti lamisaan ket kelaat pimmutok a poon ti nakatamaan ti buksit ti biktima.
Dagus a naitaray ti biktima iti ospital no sadino a kritikal ken nagtalinaed iti Intensive Care Unit.
