LAOAG CITY – Nabagkong ti maysa a lalaki bayat nga adda iti I.T. Park idiay Barangay 1, San Nicolas, Ilocos Norte babaen ti menor de edad.
Nabigbig ti biktima a ni Carlo James Bermudes, agtawen ti 18, awanan ti asawa ken residente ti Barangay 46 Nalbo ditoy ciudad ti Laoag idinto a dagiti suspek ket da Ronald Sevilla ken Bryan Fiesta, menor de edad nga agtawen ti 17 nga agpada a residente iti Brangay 4, San Bartolome iti nasao nga ili.
Naamoan a ti biktima ken dagiti papagayam da ken napan da nagparking idinto a dagiti suspek ket agawid kuman idi napasamak ti insidente no sadinno a rumrumwar a katkatawaan da dagiti kasangsangpet a grupo ni Bermudes.
Gapo iti daytoy, timpuar ti nabara a saan da nagkikinnaawatan ket ditoy a nagrarambol ti dua a grupo no sadinno a ti maysa kadagiti suspek ket inwasawas na ti imet na a kutsilyo kadagiti uppat a mangkabil kenkuana.
Nagsagaba ti biktima ti sugat iti barukong ken bukot gapo iti napasamak.
Naitaray ti biktima iti LCGH ngem maiyakar iti ospital idiay ciudad ti Batac idinto a dagiti biktima ket nagtalinaed iti kustudiyar ti PNP-San Nicolas.
Mainaig iti daytoy, inbatad ni Police Inpsector Ronald Abian, chief iti investigation section ti PNP-San Nicolas nga agtultuloy ti imbestigasyon da seknan iti napasamak a pammagkong iti nasao nga ili.
Segun kenni Abian, adalen da pay laeng ti naimuntar a CCTV tapno madeterminar ti puun ken gapo no apay a nagririri dagiti maseknan.
Inlawlawag na a basar ti inisyal nga imbestigasyon, mabalin a nagkikinnursunada dagiti ken maipagarop nga adda iti impluwensya ti nasanger.
Kabayatanna, inadmitir ti maysa kadagiti suspek a binagkong na ti biktima ngem saan nan nga ammo no namin-ano a daras.
Immuna iti daytoy, kunana a napanunut na nga aramaten ti kutsilyo nga iggem na gapo ti panangdarop da kenkuana ken ipetpetteng na a self defense laeng ti inaramid na.
Kabayatan na, ipetteng met ti grupo ti nabagkong nga iti uneg ti parke ti nakapamasakan ni komosyon a saan ketdi nga iti parking area.
Ibilang ti grupo a nalastog ti kinaingkuwentro da gapu ta idi labasan da dagitoy iti nagtugawan da ket agakakatawa da bayat nga ingatongato da ti bado da.
