LAOAG CITY -Mailunglungalong ti pannaka-institutionalized ti panag-secure ti permit dagiti mangisayangkat ti electrical works iti ili ti San Nicolas.
Segun ken ni Vice Mayor Napoleon Hernando, babaen iti daytoy a gakat ket maobligarto amin dagiti pagtaengan nga agpaubra mainaig iti electrisidad a mangala ti permit iti munisipio.
Inlawlawagna a manarimaan ti panagaramidda ti Internal Rules and Regulations maipanggep iti daytoy.
Kunana a ti Municipal Engineering Office ti kangrunaan nga opisina a mangmonitor iti daytoy.
Innayonna a daytoy ket para iti pagsayaatan ken kinatalged dagiti amin nga umili nangruna kadagiti kastoy a banag.
