LAOAG CITY – Agtultuloy a maag-agasan iti ospital ti lalaki kalpasan a binagko-bagkong ti kaanakan na babaen ti garugad iti Brgy 7-A ditoy siudad ti Laoag.
Nabigbig ti biktima a ni Isabelo Aquino, agtawen ti 50, naasawaan ken idinto a ti suspek ket ni Darwin Aquino, agtawen 27, agpada a residente iti nasao na barangay.
Segun ti PNP, inanawa ti biktima nga isardengen ti grupo ti suspek nga aginom gapu ta nalpasen ti birthday party.
Gapu iti daytoy, naaddaan ti saan a panagkinnaawatan dagiti aguliteg rason ti nangbagkongan na ti biktima.
Dagus met a naitaray ti biktima iti Gov Roque Ablan Sr. Memorial Hospital idinto a nagtalinaed ti suspek iti kustudiyar ti PNP Laoag.
