LAOAG CITY – Ad-adalen ti Estados Unidos no kissayan da ti bilang dagiti rinibo a tropa da idiay Germany.
Daytoy ti inrakurak ni US President Donald Trump kalpasan a krinitikar ni German Chancellor Friedrich Merz ti addang na mainaig iti mapaspasamak a gubat iti Iran.
Kuna pay ni Merz a naibabain ti Amerik babaen kadagiti Iranian negotiators.
Naamoan nga adda ti nasurok a 36 a ribo a tropa ti Amerika idiay Germany sipud pay idi Disyembre 2025.
