LAOAG CITY – Maysa a search warrant ti naiyemplementar nga addaan ti nagan a Ricarte Bingayen Jr. kontra ti lalaki nga agnagan ti
Ricardo Bingayen Jr. iti Bgry. Lagui Sail ditoy siudad ti Laoag.
Ti search warrant ket gagem na a masukisok ti maysa a kalibre 45 a paltog, bala ken naglabsing ti maseknan ti RA 10591 wenno “Comprehensive law on Firearms and Ammunition”.
Inlawlawag ni SPO2 Harold Nicolas, mangidadaulo iti intelligence section ti PNP Laoag a nagbaliw ti nagan ni Bingayen iti baro a nagan na a Ricardo.
Ti dati a nagan na ket Ricarte.
Kuna ni Nicolas a nasken latta nga iyemplementar da ti search warrant nga inparuk-at ti korte gapu ta adda ti naaramid nga affidavit.
Nupay kasta, insegida nga inpresentar ni Bingayen ti paltog na nga addaan ti kompleto a linsensya na.
Iti agdama, innala dagiti pulis ti 10 nga illegal a bala ti kalibre 38 a paltog ken nagtalinaed ni Bingayen iti kustudyar ti PNP Laoag.
