LAOAG CITY – Inrakurak ni Senate President Alan Peter Cayetano ti panangbukel na ti Blue Ribbon Subcommittee a mangtutok iti imbestigasyon ti maipagarop a multibillion-peso Flood Control Scandal.
idaulwan daytoy ni Sen. Rodante Marcoleta, kagiddan ti nalawlawa a reorganisasyon ti Blue Ribbon Committee kalpasan ti panagbalbaliw iti liderato ti Senado.
Naipatungpal ti nasao nga addang iti baet ti kontrobersyal kalpasan nga inrekomendar ti Department of Justice (DOJ) ti plunder ken graft charges kontra ken ni Sen. Jinggoy Estrada ke dati a DPWH Secretary Manuel Bonoan mainaig kadagiti iregularidad iti flood control projects.
Kinondenar ti sumagmamano a political analysts ti baro a komposisyon ti Blue Ribbon Committee, a maipagarop a mabalin a mangpakapuy iti kredibilidad dagiti imbestigasyon.
Nupay kasta, inpetteng ni Cayetano a gagem ti subcommittee nga ad-adda a mapaalisto ti panangibutaktak ti kinapudno kadagiti alegasyon ti korapsyon.
Ti Flood Control Scandal ket mangdakdakamat kadagiti anomalya iti multi-bilyon pesos a flood control projects nga adda ti pakainaigan dagiti ghost projects, overpricing, ken kickbacks.
Iti panangbukel ti subcommittee, namnamaen nga ad-adda nga agbalin a naiget ti panagdengngeg ken mapapigsa ti panawagan para iti panagsungbat dagiti karaman iti isyu.
