LAOAG CITY – Nasugatan ti agsumbangir nga ima ti maysa a lalaki kalpasan a tinagbat ti kaubraan na bayat ti panagi-inum da iti nasanger iti Brgy. Nalasin iti ili ti Paoay.
Nabigbig ti biktima a ni Noel Patenga y. Jarme, agtawen ti 38, awanan ti asawa, taga- Manayday San Isidro, Abra, maysa a construction worker; idinto a ti suspek ket ni Rolandio Fernadez y. Mendoza. agtawen ti 52, naasawan, maysa met laeng a contruction worker, taga Brgy, San JUan, Candon Ilocos Sur.
Naamoan a ti suspek ket indiaya na a makainom ti nasanger ti biktima ngem inpetteng na daytoy a kukua da lattan iti agi-inum ket dita a kinagura ti suspek.
Gapo ti daytoy, nangala ti suspek iti buneng ket dita a tinagba-tagbat na ti biktima.
Insigida a naitaray ti biktima iti Mariano MArcos Memorial Hospital and Medical Center para iti pannakataming na.
Iti agdama, nagtalinaed ti kustudyar ti PNP-Paoay ti suspek para iti naan-anay a desposisyon.
