LAOAG CITY – Dead on Arrival iti ospital ti maysa a lalaki kalpasan a nagdinnungpar ti maysa a traysikel ken pampasahero a bus idiay Brgy. 16, San Marcos, iti Ili ti San Nicolas.
Nabigbig ti biktima a ni Albert Crisostomo y Lumagip, agtawen ti 68, baldado iti kannigid a saka na, nagsina da iti asawa na, awanan trabaho, nangiturong ti traysikel, ken residente iti Brgy. Valdez iti ciudad ti Batac.
Segun ti report ti PNP-San Nicolas, manipud iti barangay road ket maipagarup nga bumallasiw koma ti traysikel iti national highway a nangitunda ti pannakadungpar ti bus nga inturong ni Roger Dahilig y Gregorio , agtawen ti agtawen ti 45, naasawaan, ken residente iti Brgy. 2 Garreta, iti ili ti Badoc.
Gapo ti daytoy, nagpasar ti nakana a sugat iti nagduduma a paset ti bagi ti biktima, a dagus a naitaray daytoy iti Mariano Marcos Memorial Hospital and Medical Center (MMMHMC) idiay ciudad ti Batac ngem naideklarar daytoy a dead-on-arrival.
Kabayatana, saan met a nadangran ti drayber ti bus, kunduktor, ken dagiti pasahero ti bus.
Iti agdama, nagtalinaed ti kustudyar ti PNP ti drayber ti bus para iti naan-anay a disposisyon kenkuana.
