LAOAG CITY – Natiliw ti maysa a lalaki iti naisayangkat a drug buy bust operation iti PNP-San Nicolas idiay Barangay 16 iti nasao nga ili.
Nabigbig ti subject a ni Richard Bustos, agtawen ti 36, ken residente met laeng ti nasao a barangay.
Nakumpiskar dagiti otoridad ti pitaka a naglaon ti dua a plastic sachet a maipagarop a naglaon ti shabu ken maysa a selpon.
Mainaig iti daytoy, naiget a naglikudan ni Bustos a kukua na dagiti nakumpiskar nga illegal a droga.
