LAOAG CITY – Inbatad ni Atty. Charito Malicad, mangidadaulo ti City Tourism Office ditoy ciudad ti Laoag a “fully operational” ti Laoag Sand Dunes a pagpasiaran dagiti bisita wenno turista ditoy ciudad.
Segun kenni Malicad, iti bulan ti disiembre ket manamnama manen ti panagado dagiti turista nga agturong ditoy ciudad isut gapuna nga ad-adda ti pannakaiplastar na tapno napinpintas met laeng a pagpicturan.
Mainaig iti daytoy, kuna ni Malicad a natalged ti agpasyar kangrunaan ti panaglugan ti 4 by 4 nga isu ti magustoan dagiti turista.
Inpakaammo na nga umabot iti 2500 pesos ti bayad iti panaglugan iti 4 by 4 nga umanay ti lima a tao.
Inpannakkel na pay dagiti nagduduma a features wenno mabalin a makita dagiti turista kabayatan ti panaglugan da iti 4 by 4.
Kabayatanna, kuna ni Malicad nga ado pay dagiti kasapolan da a plasteren tapno ad-adda pay ti pannakapapintas iti Laoag Sand Dunes.
