LAOAG CITY – Umaboten iti 600 a ribo a pisos ti nakolektar ti Laoag City General Hospital (LCGH) ditoy ciudad ti Laoag manipod iti 20 a milyon nga utang ti Philhealth iti nasao nga ospital.
Daytoy ti inpanakkel ni Doctor Elizer Asuncion, ti mangidadaulo iti LCGH.
Saan met a maibaga ni Doctor Asuncion no kasanu ti kabayag sakbay a masingir da amin ti utang ti Philhealth.
Kuna ni Asuncion a narugyan da metten ti nagipatulod ti surat kadagiti nagbalin a pasyente iti nasao nga ospital a saan pay a nakabayad ti bill da tapno ipalagip da ti utang da.
Kabayatanna, kinumpirmaran ni Asuncion nga umabot pay ti 12-milyon a pisos ti utang ti ospital kadagiti pagal-alaan da ti suplay ken service providers.
Inpetteng na a nalako amin ti ospital dagiti suplay na ngem masdaaw no apay saan a nabaybayadan dagiti nagsupsuplay iti LCGH.
Innayon na a madukduktalan dan dagiti major contributors ti ospital ngem ibilang na a premature pay laeng tapno ipublikar na daytoy.
