LAOAG CITY – Mapadayawan ni Lea Salonga iti Manila International Film Festival idiay Los Angeles, California.
Iti artcard nga inparuk-at ti Manila International Film Festival, inbatadna a daytoy ket tapno ikkan ti pammigbig kas icon award ni Lea.
Inbatad ni Ms. Lisa Lew a mangidadaulo iti Manila International Film Festival ti MIFF Third Annual Festival a maisayangkat ti nasao a programa inton Setiembre 3 agingga 6 ita a tawen nga addaan tiScreenings iti TCL Chinese Theatre and Closing Night Gala iti The Beverly Hilton.
Kuna ni Ms. Lew a maibilang ni Lea kas maysa a legend nga addaan ti extraordinary career a nangipaay ti inspirasion kadagiti amin nga henerasion kadagiti Filipino ken Asian artists iti intero a lubong.
