LAOAG CITY – Rinugyanen ti military idiay Lebanon ti nagiwaras kadagiti tropa da iti “pilot zone” iti abagatan a paset ti pagilian kalpasan ti panagikkat ti Israeli forces iti babaen ti US-brokered agreement iti napalabas a bolan.
Iti rakurak manipod iti army command, inpakaammo na a simreken ti sumagmamano nga units da iti village ti Zawtar al-Gharbiyeh iti Nabatieh district.
Immunan a kinumpirmaran ti Israeli military ti panangrugi ti pilot zone plan, a rumbeng a makakita kadagiti tropa ti Israel a rumuar iti bassit a paset ti teritoryo a naakopuran kabayatan ti pannakilaban da iti Hezbollah, kasta pay ti pannakaikkat ti armas ti Iran-backed group.
Napasamak dagitoy sakbay ti taripnong iti Washigton iti nagbaetan da US President Donald Trump ken ti Lebanese counterpart na a ni Joseph Aoun.
