LAOAG CITY – Iyapela ti legal team ni dati a Presidente Rodrigo Duterte ti desisyon ti International Criminal Court (ICC) Pre-Trial Chamber kalpasan a kinumpirmaran na dagiti kaso kontra iti dati a presidente mainaig kadagiti pammapatay iti babaen ti ”war on drugs” campaign na idi daytoy ti mayor iti Davao City ken presidente ti Pilipinas.
Segun ken ni Atty. Nicholas Kaufman, agkiddaw da ti pammalubos nga agpila ti apela iti desisyon nga inawagan na kas “most bizarre” wenno naidumduma ken “Kafkaesque” wenno narigat a maawatan.
Inpetteng na nga arigna kinanunungan ti pre-trial chamber iti prosekusyon ken saanda nga inkonsiderar ti karbengan ni Duterte iti maysa a patas a panangusig.
Kwinestyunaran pay ti kampo ti depensa ti maipagarop a kinakurang ti detalye kadagiti akusasyon ken saan a panangdakamat ti ebidensya iti desisyon.
